Мазмунга өтүү 
2025-жылдын 10-апрелинде Жети-Огуз айыл өкмөтүнүн аймагында жапырт ишембилик уюштурулуп, айылдын тазалыгын сактоо жана жашоочуларга ынгайлуу шарттарды түзүү максатында кеңири иштер аткарылды.
Ишембиликке айыл өкмөтүнүн кызматкерлери, мектеп мугалимдери, окуучулар, жаштар жана айыл тургундары активдүү катышышты. Алар көчөлөрдү тазалап, таштандыларды чыгарып, бак-дарак тегеректерин иретке келтиришти. Мындан сырткары, коомдук жайларда таштанды урналар орнотулуп, жашылдандыруу иштери жүргүзүлдү.
Жети-Огуз айыл өкмөтүнүн башчысы ишембиликке катышкан бардык жарандарга ыраазычылык билдирип, мындай иш-чаралар мындан ары да улантыларын белгиледи.
“Таза айыл — биздин жалпы милдет” деген ураандын алдында өткөн ишембилик, айылда жашоонун сапатын жогорулатууга жана экологиялык маданиятты өнүктүрүүгө чоң салым кошту.
